პირველ ეტაპზე რეაბილიტაცია ჩაუტარდა 52 სახლს, რომელიც 2008 წლის ომის შედეგად დაზიანდა. პროექტის მეორე ეტაპზე კი რეაბილიტაცია ჩაუტარდა 56 სახლს და აშენდა 3 ახალი სახლი იმ ოჯახებისთვის, რომელთა სახლებიც აღარ ექვემდებარებოდა აღდგენას. ასევე პროექტის ფარგლებში ბიზნეს გრანტები გადაეცა 50 ოჯახს, თვითკმარობის გრანტი კი 27 ოჯახს. შეხვედრაზე განხილულ იქნა სოფელ ერგნეთში საირიგაციო სისტემის რეაბილიტაციის საკითხი. ასევე, საბჭოს ხელმძღვანელმა გუბერნატორსგან მიიღო ინფორმაცია ე.წ. ადმინისტრაციული საზღვრისპირა სოფლების საჭიროებების შესახებ.