ქარელის მუნიციპალიტეტის სოფელ ბერძენაულში რიგით 38–ე საზოგადოებრივი ცენტრი გაიხსნა, რომელიც ადგილობრივ მოსახლეობას სოფლიდან გაუსვლელად  200–ზე მეტი საჯარო და კერძო მომსახურების მიღების საშუალებას მისცემს. ცენტრში მოქალაქეებს უფასო ინტერნეტით,საკონფერენციო დარბაზით და ელექტრონული ბიბლიოთეკით მომსახურების შესაძლებელობა ექნებათ. ბერძენაულის საზოგადოებრივი ცენტრი რიგით მეხუთე საზოგადოებრივი ცენტრია, რომელიც საოკუპაციო ხაზთან ახლოს მდებარეობს.ცენტრი სოფლების: კნოლევის, ავლევის, ცერონიის, აბისის, აბისის თავის, ატოცის, საციხურის, აბანოს, კოდას, ღოღეთის, თამარაშენის, ფცის, ქვემო შაქშაქეთის, ზემო შაქშაქეთის, კოდავარდისუბანის, მოხისის, ჭვრინისის, ქვენატკოცის, აგარის, დაბა აგარის, წაღვლის, მაღლა ფლევის, დაბლა ფლევის და ნაცარგორის 20 000 – მდე მოსახლეს მოემსახურება.